ចាប់តាំងពីបដិសន្ធិមក យើងខ្ញុំប្តេជ្ញាចិត្តយ៉ាងមុតមាំក្នុងការផ្តល់ជូនអតិថិជនទាំងអស់នូវផលិតផល ដូចម្ហូបអាហារចម្អិនតាមគេហដ្ឋានរបស់លោកអ្នក ដែលផ្តោតលើគុណភាពនិងសុវត្ថិភាពជាចំបង ។

ការជ្រើសរើសវត្ថុធាតុដើមថ្មីស្រស់ដោយប្រុងប្រយ័ត្ន ការចម្អិនសាច់ជាមួយគ្រឿងផ្សំប្រពៃណីខ្មែរប្រកបដោយក្បួនខ្នាតត្រឹមត្រូវ ការវេចខ្ចប់ផលិតផលសម្រេចដោយប្រើប្រាស់សម្បកវេចខ្ចប់មិនប៉ះពាល់បរិស្ថាន និងការរក្សាទុកនូវផលិតផលវេចខ្ចប់រួចតាមសីតុណ្ហភាពស្តង់ដារ បានធានាឱ្យកញ្ចប់ផលិតផលដាក់លក់នីមួយៗរក្សាបាននូវគុណភាព និងសុវត្ថិភាព ។

ផលិតផលវេចខ្ចប់រួចត្រូវបានដាក់តាំងលក់តាមបណ្តាផ្សារទំនើប ហាងទំនិញ មីនីម៉ាត ស្ថានីយប្រេងឥន្ធនៈ និងសណ្ឋាគារក្នុងទូទាំងប្រទេស ឯផលិតផលមិនទាន់វេចខ្ចប់ត្រូវបានកែច្នៃប្រើប្រាស់បន្តតាមបណ្តាហាងនំប៉័ង ភោជនីយដ្ឋាន ក្លឹបកំសាន្ត មន្ទីរពេទ្យ ។ល។